Brad Friedel a chawl dawn
Tottenham goalkeeper Brad Friedel chuan tun season tawp rual hian inkhelh a chawlhsan tur thu a puang.
United States international karleha a kum 44 tling mai tawh tur Friedel hi ram tan vawi 82 a inlan tawh. Kum 1997 khan Columbus aṭangin Liverpool a zawm a, hemi hnu hian Black-burn Rovers, Aston Villa leh Tottenham-ah te a khel kual tawh.
A chawlh tur thu sawitu Friedel chuan, "Football ka khelh hun chhunga ka hnuhma lo neih ve tawhte kha eng tham ni lo mah se tunah chuan chhuang takin ka sawi ve tawh ang. Ka hun bul ṭan tirh lam ka ngaihtuah kir a, tun ang hun ka thleng ve ta mai hi a mak ka ti. Tunah chuan kum 44 ka lo tling ve tawh dawn reng mai a, ka tan chuan chawlh a hun ve tawh a ni. Ka hun kaltawhah khan mi tamtak ka lo tawng tawh a, khangte kha ka tan chuan an hlu em em vek a, ka theihnghilh tawh lo ang," tiin a sawi.
Kum 1996 khan Galatasaray tana a khelh laiin Turkish Cup a lo chawi tawh bakah kum 2002 khan Blackburn chu League Cup a lo chawi pui tawh bawk. Friedel hian Premier League match 310 a khel tling tawh a ni.