Chelsea-ah Nathan

Chelsea-in Atletico Paranaense aṭangin Bra­zilian midfielder Nathan chu an ziak lut fel a, a man zat puanzar a ni lo.

Kum 19-a upa mid­fielder hming pum hi Nathan Allan de Sou­zahas a ni a, July 1-a transfer inhawn hunah Chelsea hi a zawm ang.

Nathan chuan, "Eng­land champion ka zawm thei hi ka lawm a, helai hmunah hian hmasawnna tam tak ka neih belh ka besei a ni," tiin a sawi.

Nathan hian Brazil tan Under 17 leh Under 20-ah a khel tawh. Chelsea thuchhuak chuan, "Attacking midfielder angin hriat a hlawh a, a goal khung theihna leh a chet ranna hi kan lak luh chhan a ni," an ti.

Chelsea-ah hian Bra­zilian Ramires, Willian, Oscar leh Filipe Luis te an awm mek a, rawlthar Wallace leh Lucas Piazon te chu loan-in an khel chhuak bawk.

Nathan hi 2013 Under 17 World Cup-ah match ngaah goal nga a khung a, team of the tournament-ah telh a ni.