Argentina football-ah buaina

Zirtawpnia Copa Libertadores (South American Champions League) last 16 inkhelah Argentine club pahnih Boca Juniors leh River Plate te an inkhel a, buaina chhuak vangin inkhel tihtawp a ni.

Boca Juniors khel­mual La Bombonera-a inkhelah hian half-time-ah player te dressing room lam pana an kal chu Boca fan-te'n pepper spray hmangin an lo kap a, inkhel chhunzawm thei tawh lo turin inkhel tihtawp zui a ni. Buaina chhuak vang hian River Plate player pathum Leonardo Ponzio, Leonel Vangioni, Ramiro Funes Mori leh Matias Kranevitter te chu dam­dawiinah hruai vek an ni.

River Plate manager Marcelo Gallardo chuan, "Pawm zam theihloh, football a thil thleng atana duhawm lo tawpkhawk a ni," tiin a sawi a, Boca Juniors president Daniel Angelici chuan puih an ngaihna apiangah police-te chu an puih tur thu a sawi bawk.

South American football thuneitu sang CONMEBOL chu nimin khan an ṭhukhawm nghal a, game hi khelh chhunzawm tur nge River Plate hi chak zawka puan mai tur tih an sawiho a, an thutlukna kan hre hman lo.