Andy Murray leh Serena Williams an inhliam

Andy Murray leh Serena Williams te chu Italian Open khelh lai aṭangin an inhnuk dawk. Murray hian a zawnin clay-ah vawi 10 hnehna chang zawn tawh mah se a taksa chu a chau tawngkawnga angaiin third round-ah a inlan lo. A khingpui tur David Goffin chuan inkhelh hah ngai loin quarter final a lut.

Hmeichhe World nuber 1 Williams pawh a kiu hliam vangin Italian Open aṭangin a inhukdawk ve bawk. Kum 33 a upa Williams hian third round-ah American Christina McHale a hamchhawn dawn a, mahse a kiu hliam vangin a service ṭha thei lo a, a inhnukdawk ta a ni. Williams hi he tournament a champion lai a ni nghe nghe.

Russian star Maria Sharapova chuan a khingpui Petra Kvitova chu 6-3, 6-3 a hnehin quarter final a inhlang kai a, ani bakah hian Australian Open champion vawihnih lo ni tawh Victoria Azarenka, Daria Gavrilova leh Alexandra Dulgheru te chuan quarter final an lut bawk.

Mipa lamah Rafael Nadal chuan 6-4, 6-4 a John Isner hnehin quarter final a lut a, Stan Wawrinka nen an inhmachhawn leh ang. Roger Federer, David Ferrer, Novak Djokovic, Thomas Derdych leh David Ferrer te chuan quarter final an lut bawk. Nimin khan quarter final match hi khelh a ni a, result erawh kan hre hman lo.