FA-in Aston Villa pawisa chawi tir
England rama football thuneitu sang FA chuan West Bromwich Albion leh Aston Villa te'n FA Cup quarter-final an khelh ṭuma Villa fan-te field chhunga an tlan luh avangin £200,000 chawi turin Aston Villa chu an hrem.
March 7-a inkhelah khan 2-0 in mual neitu Aston Villa hi chak zawkah ṭangin injury time leh inkhelh zawh lamah Villa fan-te chu field chhungah an tlan lut a, away fan ṭhutna hmuna ṭhutthleng ṭhenkhat chu field chhungah vawm luh a ni.
Aston Villa hian ngaihdam dilna thu chhuah tawh mah se FA chuan Villa fan-te chet dan chu hriatthiam theih a nih loh thu sawiin pawisa an chawi tir ta tho a ni. FA thuchhuak chuan Villa chu pawisa an chawi tir bakah 'warning' an pek thu an sawi.