Mumbai-in Kolkata an hneh hram
Ningani zan khan India Premier League-ah inkhel pakhat awmin Mumbai Indians chuan an mikhual Kolkata Knight Riders chu run nga in an hneh hram.
Wankhede Stadium, Mumbai-a inkhelah hian bat hmasa zawkah mual neitu Mumbai an ṭang a, over 20-ah run 171 vawchhuakin mi pali an hloh. Mumbai tan an batsman chhuanvawr te chet ṭhat loh zanah Hardik Pandya a lo lang a, kum 21-a upa Indian all-rounder hian ball 31 a hmachhawnah run 61 vawchhuakin a tawp thleng a dam a ni.
Kolkata lamin theihtawp chhuahin an target um mah se ball 37 a hmachhawna run 52 vawchhuaktu Yusuf Pathan tih loh chu che hleithei an awm lo. Over 20-ah run 166 vawchhuakin mi pasarih an hloh a, run nga lekin chak lo zawkah an ṭang ta a ni.