Vawiinah basketball final Ramhlun North Vs Dawrpui Vengthar

All Mizoram Inter Veng Basketball Tour­nament final chu vawiin tlai dar 4:00 hian Chawlhhmun Basketball Court-ah Ramhlun North leh Dawrpui Vengthar ten an khel ang.

Chawlhhmun Bas­ketball Club buatsaih basketball inelna hi May 5 khan ṭan a ni a, team 40 an tel. Vawiin tlai dar 1:00 hian Republic Veng leh Zarkawt ten pathumna an inchuh ang a, hemi zawh hian closing function-in a chhunzawm nghal ang.

Ramhlun North-in final lut turin 75-74 in Republic Veng an hneh hram a, Dawrpui Veng­thar erawhin harsatna nei loin Zarkawt 80-57 in an sawp thung.

Ramhlun North hian Mizoram Super Lea­gue season hmasa bera point score tam ber Chatlang Ryders guard Mapuia Zote an kawl a, Zarkawt BCA point guard Michael F-a a, Mission Veng Vikings guard Vanlalnunpuia Varte an nei bawk.

Dawrpui Vengthar-in MSL-a Khatla TBL champion puitu Vanlal­muana leh Lalrinzuala te bakah BCA center Dennis Lalmuanpuia leh Mission Veng Vikings guard Lalnunpuia te an nei bawk.

Inelna sponsor-tu hi Mizoram State Child Protection Society an ni a; co-sponsor hi AMC an ni.