Medal dawng tur Schurrle
German club Wolfsburg-in February thla tir khan pound maktaduai 22-in Andre Schurrle an la lut a, season chanve chauh Chelsea tan inlan mah se German forward hian Premier League champion medal a dawng dawn.
Kum 24-a upa Schurrle chuan, "Season chawhnu lam ka khelh loh avangin medal ka dawng ve dawn tih ka hre lo. Jose Mourinho-a'n message min lo thawn a, medal dawng turin match hnuhnung bera rawn kal turin min rawn hrilh a, ka lawm takzet," tiin medal a dawn ve tur thu a sawi.
German forward chuan sawi zelin, "Ka ṭhiante ka lawmpui a, an thawhrahah medal ka dawn ve dawn a ni," a ti.
Schurrle hian Chelsea tan match 14 a khel a, a tam zawk hi substitute aṭangin a lut. Season khata match nga khel pha chinin Premier League chamion medal hi an dwng thei.
Wolfsburg midfielder hian tun season-ah medal pathum dawn theihna chance a nei a. Premier League medal a dawn hma hian 2014 World Cup-ah Germany a champion pui a, May 30 khian Borussia Dortmund nen German Cup final an la khel dawn bawk.