Sunrisers Hyderabad-in beiseina chhi nung

Indian Premier League-ah Ningani zan khan Sunrisers Hyderabad-in Rajasthan Royals chu wicket riatin an hneh a, a sang palia awm turin beiseina thar an neih phah.

Dubai International Stadium-ah Hyderabad-in vawm hmasak an thlang a, Rajasthan-in Sanju Samson (36), Ben Stokes (30) leh Riyan Parag (20) te hmangin run 154/6 an siam a, target ṭha tak a ni lo.

Rajasthan tan bowler Jason Holder-a'n run 33 siamin wicket thum a la a, an chak theihna turin a thawk ṭha hle. Amaherawhchu Rajasthan opener David Warner (4) leh Jonny Bairstow (10) te an chet ṭhat loh avangin an hlauthawng hman.

India batsman pahnih Manish Pandey (83) leh Vijay Shankar (52) te an rawn che ṭha a, thi loin an target an thleng. Rajasthan hian over 18.1-ah run 156/2 siamin an target hi an umpha.

Kartawpah match li a awm dawn. Vawiin tlai dar 3:30-ah Kolkata Knight Riders leh Delhi Capitals an inkhel ang a, zan dar 7:30-ah Kings XI Punjab leh Sunrisers Hyderabad te an inkhel dawn.

Pathianni tlai dar 3:30-ah Royal Challengers Bangalore leh Chennai Super Kings te an inkhel ang a, zan dar 7:30-ah Rajasthan Royals leh Mumbai Indians te an inhmachhawn ang.