Apuia lansarh zanah Odisha leh Bagan an inhnehtawk

Indian Super League-ah Pathianni zan khan inkhel pakhat a awm a, Odisha chuan Mohun Bagan mikhualin, 1-1 in an inhnehtawk - ISL hi international break vangin chawlh zui a ni dawn a, November 23, Inrinniah an inkhel ṭan leh chauh ang.

Mohun Bagan tan Lalengmawi Ralte (Apuia) a langsar a, Vaivakawn tlangval hi player of the match atan thlan a ni - Bagan player man to tan tun season-a player of the match-a thlan a nih hmasak ber a ni.

Pathianni zan inkhel hi Odisha khelmualah a ni a, mualneitu team tan Hugo Boumous chuan minute lina lekah goal hmahruai khung mah se, Manvir Singh chuan minute 36-naah si phurh sutna goal khungin a chhanglet - goal dang a lut lo a, team pahnih an inhnehtawk.

Odisha tan K. Lalṭhathanga (Puitea) leh Isak Vanlalruatfela ten inkhel bul an ṭan a, bench aṭangin Jerry Lalrinzuala leh Jerry Mawihmingthanga te an lut bawk.