Sinner leh Fritz te an chak nghal phawt

ATP Finals 2025 an khel ṭan a, world number 1 Jannik Sinner chuan a group match hmasa berah Alex de Minaur a hneh a, inkhel dangah Taylor Fritz chuan hnehna nen bul a ṭan ve bawk.

Mipa tennis thiam zual pariat inelna hi Turin, Italy-ah khelh niin, seeded pakhatna Sinner hian anmahni ramah a khel thei tihna a ni a, a khingpui seeded pasarihna De Minaur hi 6-3, 6-4 in a hneh.

Italian tlangval Sinner chuan, "A tir lamah khan De Minaur kha a khel ṭha em em a, a harsa dawn tih pawh kha ka hre nghal. Tihsual neih pawi theihzia pawh ka hre chiang, chuvangin mahni inveng tak chungin ka khel," a ti.

Kum 3 mi Sinner hian a match pahnihna atan zaninah Fritz a tum ang a, pathumna atan Nilaini zan khan Daniil Medvedev a hmachhawn chhunzawm leh ang, seeded palina Medvedev hi a match hmasa berah a chak lo thung a ni.

Inkhel dangah Fritz chuan Medvedev hi 6-4, 6-3 in a hneh - American tlangval Fritz hian season duhawm a hmang mek a, kumin chhungin match 50 a chak tling ta chiah a ni, a tan mellung duhawm zinga mi a ni ngei ang.