Bangalore-in Punjab an ngam lo

Nilani khan India Premier League-ah Kings XI Punjab leh Royal Challengers Bangalore te an inkhel a, ruah sur in inkhel a tihbuai vangin over 20 khelh turah over 10 chiah khelh a ni.

Punjab Cricket Asso­ciation Stadium, Mohali-a inkhelah hian bat hmasa zawkah Punjab an ṭang a, over 10-ah run 106 vaw­chhuakin mi paruk an hloh. Punjab tana run siam hnem ber Wriddhiman Saha chuan ball 12 a hma­chhawnah run 31 a vawchhuak.

Bangalore lamin theihtawp chhuahin an target an um a, ṭum danga che ṭha ṭhin an batsman te an che hleithei lo a, over 10-ah run 84 chiah vawchhuakin mi paruk an hloh a, run 22-in chak lo zawkah an ṭang ta a ni.

Zanin dar 8:00 hian Rajiv Gandhi In­ternational Stadium, Hyderabad-ah Sunrisers Hyderabad leh Royal Challengers Ban­galore te an inkhel ang.