Milan-in Robinho an chhuah

Brazil international Robinho chu a contract neih mekna AC Milan chuan a contract neih lai chu kum khata tih tawi sak in a duh lam pan thei turin an chhuah zalen.

Robinho hian Milan head coach Filippo Inzaghi hnuaiah a tlaktum vak loh avangin kum 2014 August khan Milan aṭangin a inzir chhuahna Santos chu loan-in a pana, a club hlui tan hian inelna hrang hrangah goal 12 a khung leh tawh a, a khel chhe hran lo. Copa America khel tur Brazil provisional squad-ah pawh koh tel a ni.

Robinho hian a contract neih laiah chuan kum 2016 June thleng Milan-ah hian cham tur a ni a, mahse club leh Robinho inbiak remna angin 2015 June hian an ti tawp ang. July aṭang chuan Robinho hian a duh lam a hawi thei tawh dawn tihna a ni.

Milan chuan thuchhuah siamin, "Milan club tana a hnathawh tawh zawng zawngte avangin lawmthu kan sawi e. A goal thun zawng zawngte leh a ṭhahnemngaihna pawh kan hre reng ang. Kan inbiakna a kaltluang a, lungawi takin kan inthlah turah kan ngai. Keini chuan kan theihnghilh tawh lo ang," tiin thuchhuah an siam.