Lewandowski chawl rih dawn

Robert Lewandowski chu a hnungzâng hliam vangin a chawlh rih a ngai dawn a, an ram Poland tan a inlan thei dawn rih lo. Nations League-ah Portugal leh Scotland a hmachhawn ve thei dawn lo tihna a ni.

Kum 26 mi Lewandowski hian kar tawp La Liga inkhelah Barcelona tan minute 90 a khel thei a, mahse inkhelh banah Catalan club chuan an striker hi hliam vangin ni 10 chhung a chawlh a ngaih thu an tarlang.

Hansi Flick kaihhruaina hnuaiah Lewy hian season bul a ṭan fuh hle a, inelna hrang hrangah match 17 aṭangin goal 19 a khung tawh. La Liga hmahruaitu an ni a, Champions League lamah team hlauhawm an ni bawk.

Poland hian Zirtawpni zan hian Portugal an lenchilh dawn - Lewy awm loh lai hian Portugal captain Cristiano Ronaldo erawhin an ram team training a zawm a, mikhual team a hmachhawn theih ngei a rinawm thung.