Ram tan Neymar inkhel thei rih lo

Brazil chuan an ram tana goal khung tam ber Neymar chu an la chhawr thei dawn rih lo - tun hnaiah Neymar hi a club Al Hilal tan inlan ve zuai mah se, hliam vang bawkin a chawl leh rih a ni.

Nikum khan Brazil tana a inlannaah Neymar hi a hliam, hei vang hian a chawl rei hle, a damloh chhungin an ram hi South America World Cup qualifying lamah an talbuai hman a, goal khung an harsat thei hle.

Ram tan match 128 a khelh aṭanga goal 79 khungtu hi Brazil chuan an mamawh hle a, a inkhelh theih hun pawh an nghakhlel. Mahse, kumin chhung chuan an chhawr hman dawn tawh lo tihna a ni.

Kum 32 mi Neymar hi hliam na tak erawh a ni lo a, a chawlh rei a ngai lo ang. Mahse, Brazil hian kuminah match hnih bak an khel hman dawn tawh lo, a club tan Saudi Pro League erawh a khel hman thung ang.

Dorival Júnior-a enkawl Brazil hian World Cup qualifier match 10 an khelh aṭangin point 16 an hmu a, ram 10 inel zingah palina an ni mek - Zirtawpni zing lam dar 2:30 hian Venezuela an len chilh dawn a ni.

Brazil Squad:

Goalkeepers: Bento (Al-Nassr), Ederson (Manchester City), Weverton (Palmeiras).

Defenders: Danilo (Juventus), Vanderson (Monaco), Guilherme Arana (Atletico Mineiro), Abner (Olympique Lyonnais), Eder Militao (Real Madrid), Gabriel Magalhaes (Arsenal), Marquinhos (Paris St Germain), Murilo (Nottingham Forest).

Midfielders: Andre (Wolves), Andreas Pereira (Fulham), Bruno Guimaraes (Newcastle United), Gerson (Flamengo), Lucas Paqueta (West Ham United), Raphinha (Barcelona).

Forwards: Estevao (Palmeiras), Rodrygo and Vinicius Jr (Real Madrid), Luiz Henrique and Igor Jesus (Botafogo), Savinho (Manchester City).