Lalrina Renthlei a champion

Star Cement Northeast Snooker Championship 2015-ah Lalrina Renthlei a champion. Inelna hi May 12-15, 2015 chhung khan neih a ni a, player 43 zet telin Mizoram player ṭha bakah Nagaland, Assam leh Meghalaya player te an tel.

Player 43 hi Group 8-ah ṭhendarh an ni a, vawi hnih chak lo te hi inelna aṭanga knockout zel an ni. May 14 khan knockout hmangin top 16 aṭangin a thiam pali thlan chhuah an ni.

Semifinal-ah K. Lallawm­kima'n Assam aṭanga rawn tel Rajesh Kumar a lehthal a, 4-2 in a hneh. Inkhel dangah Lalrina Renthleiin Meghalaya no. 1 Armarnath Sharma chu 4-0 in a sawp.

Finalist K. Lallawmkima hian kum 2001 aṭang khan State championship ṭum nga a lo hui tawh a, Lalrina hi National Junior Champion leh Runner up kum zawnin a ni tawh bawk.

Inkhel an ṭan a, Lawma'n 2-1 in hma hruai zet mah se Lalrina 4-2 in a lehthal a, Northeast Snooker Cham­pionship-ah a champion.