Bayern Munich an chak thei lo

Champions League semi final a Barcelona an hneh loh hnu an match hmasa berah Inrinni khan Bayern Munich chuan SC Freiburg 2-1 in an hneh lo. May 9 khan FC Augsburg lakah Bayern hi 1-0 in an lo tlawm tawh bawk.

German champion Bayern tan hian minute 13 naah Mitchell Weiser cross ball ṭha tak mai chu Bastian Schweinsteiger chuan goal-ah a chan tir nghal. Tlak hlau Freiburg tan thih tha a beih let zui nghal a ngai tawh. Admir Mehmedi chuan Schweinsteiger ball hloh changin minute 33-ah an siphurh sutna goal a khung a, Nils Petersen chuan minute 89-ah an chakna goal a khung bawk.

He inkhelah hian Bayern midfileder Schweinsteiger a langsar hle a, goal hmahruai a khung bakah a ball hloh vangin an lamah goal a lut a, second half-ah free-kick a ṭangin goal bar a pet per bawk a ni.

SC Freiburg hian point thum an hlawhchhuah avangin table-ah 14 naah an inhlang kai a, kumtharah Bundesliga an khelh chhunzawm leh thei ang. Inkhel dangah table a pahnihna Wolfsburg chuan Dortmund chu 2-1 in an hneh bawk. Daniel Caligiuri leh Naldo te chuan Wolfsburg goal khat ve ve an thun bakah Pierre-Emerick Aubameyang chuan Dortmund tan goal khat a khung ve bawk.

Inkhel results

Augsburg 1 - 2 Hannover

Hertha Berlin 0 - 0 Frankfurt

Leverkusen 2 - 0 Hoffenheim

Mainz 2 - 0 Cologne

SC Freiburg 2 - 1 Bayern

Schalke 1 - 0 Paderborn

Stuttgart 2 - 1 Hamburg

Werder Bremen 0 - 2 M'gladbach

Wolfsburg 2 - 1 Dortmund