Rajasthan chakpuitu Shane Watson
India Premier League pawhin tawp lam a hnaih tawh a, inkhel pawh a hmuhnawm sawt hle. Zirtawpni tlai khan ruahsur in a tihbuai inkhelah Sunrisers Hyderabad leh Royal Challengers Bangalore te an inkhel a, wicket rukin Bangalore-in hnehna an chang.
Rajiv Gandhi International Stadium, Hyderabad-a inkhelah Hyderabad-in over 11-ah run 135 vawchhuakin mi pathum an hloh. Bangalore-in over 5.5-ah run 83 vawchhuakin mi pali an hloh a, DL method hmangin chak zawkah Bangalore puan an ni.
Watson a vul
Inrinni tlai khan Brabourne Stadium, Mumbai-ah 'Watson show' kan hmu a, ball 54 a hmachhawnah run 104 vawchhuakin Rajasthan chu hnehna a chanpui. Over 20-ah Rajasthan Royals-in run 199 vawchhuakin mi paruk an hloh.
Kolkata lamin theihtawp chhuahin an target hi an um a, over 20-ah run 190 vawchhuakin mi pakua an hloh a, run kua in chak lo zawkah an ṭang. Rajasthan bowler zingah Chris Morris a che ṭha fal a, over li a vawmah run 23 chiah pe in wicket li a la thei a ni.
Punjab ngam loh
Chennai
Punjab Cricket Association Stadium, Mohali-a inkhelah mualneitu Punjab an che hleithei lo a, over 20-ah run 130 vawchhuakin mi pasarih an hloh. Chennai in an target hi over 16.5 lekah umpha in run 134 an vawchhuak a, mi pathum chiah hlohin wicket sarih in chak zawkah an ṭang ta a ni.