Atletico striker thar Gameiro

La Liga club Atletico Madrid chuan Sevilla striker Kevin Gameiro an lalut. French striker man zat hi tarlan ni lo mah se pound maktaduai 28 bawr vel ni tura ngaih a ni a, Vicente Calderon-ah hian kum li chhung atan contract a ziak a ni.

Kum 29-a upa striker hian season hman zawh takah khan inelna hrang hrangah Sevilla tan match 53 inlanin goal 30 a khung sak a, Euro 2016-a France squad-ah erawh hmun a chan phah lo.

Kum 2013 khan Paris Saint-Germain aṭangin Sevilla hi a zawm a, Spanish club tan season thum a khelh chhungin Europa League nomawi pathum a chawi a, inelna hrang hrangah vawi 141 inlanin goal 68 a khungsak a ni.