Real leh Chelsea inkhel entu an tam

1st August, 2016

Pathianni zing International Champions Cup inkhelah Real Madrid leh Chelsea an inhmachhawn a, Real Madrid-in 3-2 a hnehna an channa inkhel hi a hmunah mipui 105,826 in an en!

Michigan Stadium-a inkhel-ah Real-in Marcelo-a goal shot Oscar-a'n an lama a tih luh hmangin hma an hruai a, Brazil international hian goal khat dang khung lehin Mariano Diaz chuan halftime hmain Real goal thumna a khung bawk.

Chelsea an mualpho dawna a lan hnuin second half-ah Eden Hazard a inlar a, Belgian winger hian Blues tan goal hnih a khung. Mahse, London club hian an si phurh erawh sut zo thei loin 3-2 in an tlawm.

Conte thukhawchang

Chelsea manager Antonio Conte chuan, "Tlarhnung lamah kan talbuai a, duh angin kan game kan in man tawk lo. Ball kan chanin hlauhawm mah ila ball kan hloh hnuah kan talbuai nghal ṭhin. Tun aia ṭha zawka kan thawhho a ngai a, chu chu kan ti thei a nih loh chuan season hmasa ang khan season duhawm lo tak kan hman chhunzawm ang," tiin insiam-ṭhat an mamawh thu a sawi.

Tute nge inlan?

Real Madrid 4-4-2: Casilla (Yanez, 64); Carvajal (Danilo, 46) Varane (Lienhart, 65), Nacho (Hakimi, 76), Marcelo (Tejero, 66); Vazquez (Odegaard, 65), Casemiro (Enzo Zidane, 65), Kovacic (Llorente, 64), Asenio (Febas, 65); Mariano, Morata (Diaz, 66).

Chelsea 4-4-2: Begovic (Courtois, 46); Aina, Cahill, Terry, Azpilicueta; Willian (Cuadrado, 46), Matic, Oscar (Chalobah, 46), Pedro (Hazard, 67); Loftus-Cheek (Batshuayi, 46), Traore (Moses, 75).

Reds an chak

An match hmasa bera Chel-sea an hneh loh hnuah Liverpool an tho chhuak a, Divock Origi leh Roberto Firmino goal hmangin AC Milan chu 2-0 in an hneh. Daniel Sturridge leh Adam Lallana te chuan an hun neih an chhawr ṭangkai thei lo thung.

Liverpool boss Jurgen Klopp chuan, "Kan khelh danah ka lawm a, firsthalf kan khelh dan phei kha chu a lawmawm lehzual a ni. Tlarhnung kan
ṭhiah hma chu ball kan inpe kual a, chance tam tak kan insiam. Pawi ber erawh goal khung kan la harsat a, kan inzir belh zel ang," a ti.

Tute nge inlan?

Liverpool: Mignolet, Alexan-der-Arnold, (Clyne) Klavan (Wisdom), Lovren (Brannagan), Milner (Moreno); Henderson (Randall), Wijnal-dum (Stewart), Coutinho (Fir-mino), Lallana (Ojo), Mane (Markovic); Sturridge (Origi).

Scorers: Origi 54', Firmino 73'.

AC Milan: Gabriel, Abate, Vergara, Romagnoli (Paletta) Antonelli (Calabria); Zanellato (Poli), Bertolacci (Kucka), Montolivo; Suso (Honda), Niang (Bonaventura), L.Adriano (Matri)