Olympic-ah Bryan unau inlan dawn lo

Mipa tennis double roreltu Bob leh Mike Bryan unau chuan Rio Olumpic-ah an inlan loh tur thu an sawi, phir unau inhnuhdawh chhan hi an hriselna dinhmun an ngaih pawimawh vang a ni. American star-te hian 2012 London Olympic-ah khan goald medal an la, tun
ṭumah pawh hian champion leh tura rinkai an ni.

Bob chuan, "Hun a tlem tawh tih kan hria, mahse ngun taka kan ngaihtuah hnuah kan chhungkaw hriselna hi kan ngaih pawimawh a ṭul. United States tana inlan phak nih tluka hlu leh ropui awm lo mah se hriselna hi kan dah pawimawh hmasak a ṭhul," a ti. Phir unau hian hrileng mek Zika hming lam ri chiah lo mah se he natna hi an kal loh chhan nia ngaih a ni.

Mipa single lamah Czech tennis star Tomas Berdych chuan Zika vangin Rio a pan loh tur thu a lo sawi tawh a, hemi hma hian Wimbledon finalist Milos Raonic leh Dominic Thiem te pawh hrileng vang hian an lo inhnukdawk tawh bawk.

World number 1 hlui Roger Federer erawh Rio-a inlan tum zingah a tel thung, mahse Grand Slam vawi 17 champion tawh hian a hliam enkawl dam nan hun a mawh avangin Brazil a pan thei dawn lo.

Kumin hian kum 112 hnua a vawi khat nan Olympic-ah golf inelna telh a ni. Mahse, infiamna chi hrang hrang zingah mipa golf hi player langsar inhnuhdawh nasatna ber a ni a, world number 1 Jason Day, Jordan Spieth, Dustin Johnson leh Rory McIlroy te bakah golfer 20 chuang zet an inhnukdawk a ni.