Reds keeper thar a inhliam

Liverpool goalkeeper thar Loris Karius chu Chelsea nen friendly match an khelh ṭuma a inhliam avangin kar riat aṭanga kar sawm tal a chawlh a ngai dawn. Kum 22-a upa keeper hian a kutah hliam hi a tuar a, USA-a an tour-na aṭangin England-a inen-kawl turin an kir leh tawh.

Karius hian May thla khan Reds manager Jurgen Klopp-a club hlui Mainz aṭangin Liverpool hi pound maktaduai 4.7-in a zawm a ni. German keeper hi a inhliam takah chuan Liverpool-in se-nior goalkeeper zingah chhawr tlak pahnih Si-mon Mignolet leh kum 39-a upa Alex Manninger te chiah an nei tihna a ni.