Christian Vieri a lo kir dawn

Italian legend Chris-tian Vieri chuan Chinese Super League-a inlan turin khelmualah a lo kir leh tur thu a puang. Kum 43-a upa striker hian kum 2009 khan inkhelh a chawlhsan tawh a, tunah erawh sum tamna China lamin a lung a len niin a lang.

Kum 1999 khan khawvela player manto ber a lo ni tawh a, Lazio aṭangin Serie A lama an elpui Inter Milan chu pound maktaduai 32-in a zawm. Inter tan hian match 143 inlanin goal 103 a khungsak.

Italy tan vawi 49 in-lana goal 23 khungtu striker chuan, "Bobo (Vieri koh duatna) chu a lo kir leh dawn ta, China lamah inkhel turin ka lo kir leh ang," tiin twitter lamah a lo kir leh tur thu hi a puang zar a ni.

June thla khan Brazil forward Hulk chuan pound maktaduai 46.1-in Chinese Super League club Shanghai SIPG-a zawm a, Asian football chanchina player manto ber niin Chinese club-te hian sum an la seng dawn chauh niin a lang.