Raonic leh Wawrinka an tla

Rogers Cup khelh mekah Inrinni zan khan semifinal khelh zawh niin Novak Djokovic leh Kei Nishikori ten hnehna an chang, nizan khan final khelh zui niin result kan hre hman lo.

Inrinni zan khan French Open champion hlui Stan Wawrinka chu Japan tlangval lakah a chak lo a, Wimbledon finalist Milos Raonic pawh Zirtawpni zan khan quarterfinal-ah Gael Monfils lakah 6-4, 6-4 in a chak lo bawk.

Wimbledon-a hliam vanga a inhnuhdawh hnua a tournament khelh leh-na hmasa berah seeded pathumna Nishikori-a'n harsatna lian tham a la tawk lo a, Swiss star Wawrinka chu 7-6 (8-6), 6-1 in a hneh.

Semifinal hnuhnung zawkah world number 1 Djokovic chuan quar-terfinal-a Raonic hnehtu Gael Monfils nen darkar khat leh minute 13 chhung an inhmachhawn hnuah 6-3, 6-2 in hneh-na a chang. Serbian thiam-puipa Djoko-vic hian quarterfinal-a Tomas Berdych nen an inkhelh ṭumin vawi 33 ngawt unforced errors nei chungin hnehna a lo chang tawh bawk.

Hmeichhe inelna lamah nikum finalist Simona Halep chuan Australian Open champion Angelique Kerber chu 6-0, 3-6, 6-2 in a hneh a, final lut turin seeded 10-na Madison Keys chuan minute 50 chhung chauhin Kristina Kucova chu 6-2, 6-1 in a hneh ve bawk.