Russian Premier League champion Zenit
Pathianni zan khan Zenit St Petersburg chuan Russian Premier League-ah FC Ufa 1-1 in an inhnehtawk pui a, match hnih khelh tur la nei chungin an champion.
Brazilian striker Hulk chuan inkhel ṭan aṭanga minute 32 naah Zenit tan goal a khung a, Haris Handzic chuan hun tawp dawn minute 87 naah rawn sut ve leh mah se Andre Villas-Boas a enkawl Zenit hi season nga chhunga a vawi thum nan Russian champion an ni leh ta tho a ni.
Chelsea leh Tottenham Hotspur manager hlui Villas-Boas hian March 2014 khan Zenit hi zawmin CSKA Moscow hnuai chiahah awmin pahnihna a ni. Season khat tluan a enkawl hmasak berah a champion pui nghal thei.
Portuguese manager hi kum 201 leh 2012 a Zenit champion puitu Italian Luciano Spalletti leh kum 2007 a champion puitu Dutch coach Dick Advocaat tih loh a Russian Premier League-a Zenit champion pui hmasa ber tu a ni.