Roma-in Champions League an hnaih

Pathianni zan khan AS Roma chuan an mikhual Udinese 2-1 a hnehin Champions League an hnaih zel.

Stadio Olimpico-a inkhelah hian rin loh takin mikhual team-in goal an khung hmasa. Inkhel ṭan aṭanga minute 19 na lekah Chelsea striker, Udinese a loan a khel mek Stipe Perica chuan goal hmahruai a khung. Mahse, Roma-in minute 45 naah midfielder Radja Nainggolan hmangin an chhanglet ve lehnghal a, minute 65 naah Vasilis Toro­sidis chuan an chakna goal a khung a ni.

Roma hi Serie A table-ah pahnihna ni mekin match hnih khelh tur an la hmabak a, an hnuai chiaha awm Lazio aia an sanna hi khelh zat in angah point khat chiah a ni. Serie A a pathumna chinin Champions League an khel ṭhin a, pathumna hian play-off khelh phawt a ngai thung.

Inkhel Results

Torino 2-0 Chievo

Hellas Verona 2-1 Empoli

Atalanta 1-4 Genoa

Cagliari 0-1 Palermo

Roma 2-1 Udinese