Season tawp hma chu ka hma lam hun ka sawi lo ang - Enrique
Spanish manager Luis Enrique-a'n Barcelona a enkawl kum khatnaah La Liga title a lak pui nghal a, treble champion thei an la ni bawk.
Enrique chuan, "Chak kan phu a ni. Tun season-a team tana hnathawk zawng zawngte ka theihnghilh lo a, champion-na kawnga pawimawh ber chu min ṭantute an ni. Tun hi hlim hun chu a ni," a ti.
'Barcelona thar kan hmu dawn em?' tih zawhna chhangin Spanish manager chuan, "Ni thei se ka duh hle. Match thum khelh tur kan nei a, pahnih chu final a ni. Champion nomawi pahnih dang kan chawi theih chuan Barca thar a tih ngam ang," tiin a sawi.
A hmalam hun chungchang zawhna erawh Enrique chuan, "Season tawp hma chuan ka sawi dawn lo," tiin a chhang.
Pathianni zan La Liga inkhel dangah Real Madrid-in Cristiano Ronaldo hattrick leh Marcelo goal hmangin Espanyol 4-1 in an sawp. Portugal forward hian La Liga-ah goal 45 a khung tawh a, Messi aiin goal lia khung tam tawhin top scorer ni turin adinhmun a ṭha hle.