Kiraly a chawl ta

Hungary goalkeeper Gabor Kiraly chuan kum 18 chhung zet a lo chen chilh tawh ram tana inkhelh a chawlh-san thu a puang.

Kum 40-a upa Kiraly hi Euro 2016-ah khan Hungary tan a la inlan a, an ram hi last 16 hruai thlengin European Championship chanchina kum 40 tling inlan thei hmasa ber a ni.

Khelmual chhungah track-suit nena a inlan ṭhin avanga hriat hlawh Kiraly hian ram tan match 107 zet a khel hman. Crystal Palace goalkeeper hlui hi Fulham, West Ham leh Aston Villa tan pawh inlan tawhin tunah chuan an ram club Szombathelyi Haladas-ah a khel mek a, ram tan inkhelh chawlhsan mah se club tan erawh a la khelh chhunzawm zel rih dawn.

Kiraly chuan a chawlh tur thu sawiin, "Ka theihna zawng zawng hlan zel mah ila ka taksain a tlin tawh loh avangin chawlh a hun ve ta," tiin a sawi.