Swans-in Ashley chhuah tum lo

Wales club Swansea City chuan an captain Ashley Williams lakluh tuma Everton-in pound maktaduai 10-a an dawrna chu an hnawl. Kum 32-a upa central defender hian Liberty Stadium-ah hian kum 2018 thleng cham turin contract a la nei a ni.

Swansea thupuangtu chuan, "Ashley hi hralh tumna kan nei lo a, lakchhuah tuma dawrna pawh hnawl nghal a ni," tiin March 2008-a Stockport aṭanga £300,000-a an lakluh defender chu hralh tumna an neih loh thu a sawi.

Wales captain Ashley Williams hian Euro 2016 a khelh avangin chawlh a la hmang mek a, Everton hian an defender John Stones chu Manchester City laka an chan ngei hmel avangin Ashley Williams hi a thlakna tura lakluh an duh nia tarlan a ni.