Werder Bremen-ah Kruse a kir

Germany international Max Kruse chuan Wolfsburg chhuahsanin amah chher liantu a professional club hmasa ber Werder Bremen-ah a kir a, a man zat erawh puanzar a ni lo.

Kum 28-a upa striker hian Borussia Monchengladbach aṭangin nikum khan Wolfsburg hi a zawm a, mah se match 43-a inlanah goal kua chiah a khung avangin Euro 2016-a Germany squad-ah pawh khan a lang phak lo a ni.

Germany tan vawi 14 inlana goal li khungtu striker chuan, "Football hi ka tan chuan a pawimawh em em a, Bremen-ah hian ka football nun bul a thara ṭan leh theih ka inbeisei a ni," tiin season duhawm tak hman a tum.