Group B - Lajong an chiang?

Shillong Lajong-in an match hmasa berah vannei takin Bethlehem Vengthlang FC an hneh a, I League club hian beisei pha lo nghal mah se an vawi hnih inlannaah erawh an thiam zia lantirin Ramhlun North an sawp. 2011 I Day Football champion La-jong hi an thiam tlat avangin chhiarkawp dan chauhin semifinal an la lut loah a ngaih theih.

Group B hmunruak pakhat hnawh khat turin Zo United an rinawm a, amaherawhchu vawiin lama Bethelehem Veng-thlang FC laka an chak loh leh si chuan BVT zawk hi Lajong laka an khelh dan thlirin semifinal lut turin an dinhmun a ṭha thut thei.

Chutihrualin point thum hmu tawh Dinthar FC hian pressure sangah club hlun zia an chhuah
ṭhin - 2014 I Day Football champion hian Zirtawpni hian Ramhlun North an hmachhawn dawn. MPL kaithar hi Shillong laka an mualpho avangin semifinal-ah an hming a lan phak a rinawm vak tawh lo a, amaherawhchu chhiarkawp dan aṭang chuan an tan hian hmun a la awm - Dinthar FC an hneh a ṭul dawn.

Fixtures & Standings

Vawiin Inkhel Tur

2:45 PM Bethlehem VT Vs Zo United FC

August 5, Zirtawpni

2:45 PM Dinthar FC Vs Ramhlun North FC

August 6, Inrinni

12:00 PM Zo United FC Vs Shillong Lajong FC

August 8, ThawhTanni

12:00 PM Ramhlun North FC Vs Bethlehem VT FC

August 9, Thawhlehni

12:00 PM Shillong Lajong FC Vs Dinthar FC

# Team Pld W D L GF GA GD Pts

1 Shillong Lajong 2 2 0 0 6 2 4 6

2 Zo United FC 2 1 1 0 1 0 1 4

3 Dinthar FC 2 1 0 1 1 1 0 3

4 Ramhlun North FC 2 0 1 1 1 4 -3 1

5 Bethlehem VT FC 2 0 0 2 1 3 -2 0