MFA Super Cup 2016 Mizoram Police inlan hun a thleng leh ta

MFA Super Cup 2016 third round chu vawiin aṭangin Rajiv Gandhi Stadium, Mualpuiah khelh a ni dawn a, match hmasa berah Mizoram Police an inlan ang.

Inelnaah hian match 42 aṭangin goal 171 a lut tawh a, match tina goal 4.07 lut ang a ni. Vawiina inlan tur Mizoram Police hian match khat chauh khel chungin goal kua an khung tawh a, an player-te hi MPL club te pawhin lakluh atana an duh em em te an ni hlawm.

Season liam taa MPL aṭanga tla Police hian MFA Super Cup hi an tingaihnawm a, an khingpui tur Electric FC pawh hi an chhe bik lo..

Police hian third round-ah an thiamna an lantir thei em tih vawiin chawhma dar 11 hian RG Stadium-ah a chiang dawn.

Hming Hming FC 4-1 zeta sawptu Electric FC-in Police hi an hneh thei a nih chuan upset a ni thei ang.

Chawhnu lamah Tuidam leh Keifang te an inkhel dawn a, Aizawl khaw pawn club pakhat zawk hi chuan MPL club hmaah fiahna an hmachhawn thei ang. A vhak zawkin Round of 16 lutin MPL club an tum ang,

Third Round Fixtures

Vawiin Inkhel tur

11:00 AM Mizoram Police Vs Electric FC

01:00 PM Tuidam FC Vs Keifang FC

August 5, Zirtawpni

11:00 AM 1st Bn. MAP Academy Vs Kanan FC

01:00 PM Ramhlun FC Vs New Serchhip

August 6, Inrinni

11:00 AM Chaltlang FC Vs Venghlui FC

01:00 PM Rempuia Memorial FC, Phulpui Vs Bungkawn FC

August 8, Thawhṭanni

11:00 AM Chawnpui FC Vs Young Stars United, ITI

01:00 PM Ramhlun N FC Jr Vs Zarkawt FC