PSG leh Jese an inhnaih

Real Madrid forward Jese chuan khelhna hmun chan tam zawk beiseiin Paris St-Germain a pan hnai. Kum 23-a upa forward hian Unai Emery-a hnuaia khel tur hian kum li chhung atan contract a ziak dawn nia sawi a ni a, a man zat tur hi pound maktaduai 20 bawr vel ni tura beisei a ni.

Real boss Zinedine Zidane chuan, "Engmah chiang taka tih fel a la awm lo a, mah se inbiakna tluang taka neih a ni. Madrid-a kan kir hunah a chiang thuai ang. PSG hi Jese tan a ṭha a, goal tam tak a khung ka beisei a ni. Mahse engtikah emaw chuan he club-ah hian a lo kir leh ka beisei a, he hmun hi a in a nih avangin a thlah hlen thei lo ang," tiin Real academy aṭanga inzirchhuak player chungchang a sawi.

Spanish striker hian Real Madrid tan season li khel tawhin La Liga-ah match 63 a inlan a, goal 13 a khung. League match 63 a khelh aṭanga 49-ah hian bench aṭangin a tlan lut.