Kar li chawl tur Ansu Fati

Barcelona winger Ansu Fatu chuan a malpuiah hliam tharlam a nei a, kar li chhung a inlan thei dawn lo - Nilaini khan kum 22 mi forward hian training-naah hliam a tuar a, Barca chuan an player chawlh tur thu hi an puang chiang tawh a ni.

Mi tam takin Lionel Messi hmun ruak luah tur ang hiala an ngaih Fati hian hliam vangin beisei a phak lo a, a inkhel hman meuh lo a ni ber. Kum 17 mi lek a nih lain, kum 2019 khan mi hriat a hlawh ṭan a, beiseina a sang hle.

Kum 2021-a Messi-a'n Barcelona a chhuahsan khan Argentine forward kalsan tak, jersey number 10 chu pek a ni a, mahse, November 2020-a hliam na tak a lo neih tawh aṭang khan a dam chiang ta meuh lo a ni ber.

Brighton & Hove Albion-ah te pawh loan-a kaltir niin, chawn hliam vangin match 14 ngawt a khel lo. Tun season-ah Barca-ah kirin, inelna hrang hrangah match sarih a khelhsak tawh a, goal khung emaw assist emaw a la nei lo a, heng zinga match khatah chiah hian bul a ṭan.