Formula 1 leh Monaco inrem

Car intlansiakna lian leh ngaihhlut ber Formula 1 chuan Monaco nen kum ruk chhung atan inremna an nei a, a rei lo berah pawh kum 2031 thleng chu Monaco Grand Pirx kan hmu chhunzawm dawn tihna a ni.

Monaco Grand Prix hi kum 1950 khan a vawi khat nan neih a ni a, kum 1955 aṭang phei kha chuan chawl loin F1 calendar-ah telh a ni ziah a, a hma hun chiang lo deuha sawi chu tunah chuan a chiang leh ta.

Formula 1 thuneitu Liberty hian thuneihna an neih aṭangin intlansiak a tam thei ang ber neih an tum a, tun season kal laiah pawh intlansiak 24 awm turin an ruahman, driver ṭhenkhat chuan a tam lutuk tia sawisel pawh an awm ṭhin hial a ni.

November 24, Pathianni hian Las Vegas Grand Prix an tlan dawn a, chumi hnuah Qatar leh Abu Dhabi GP an tlan leh bawk ang.