Match hnihnaah Sindhu a tla

Badminton inelna - Kumamoto Masters Japan Super 500 tournament neih laiah PV Sindhu chu nimin khan a chak lo, a match pahnihnaah Sindhu hian Michelle Li hneh loin a zinkawng a tawp.

India nula Sindhu hian season a hmang ṭha lo a, world number 2 hial pawh lo ni tawh hi tunah chuan number 20 a ni ta. Nimin inkhelah pawh hian darkar khat leh minute 15 chhungin Canadian nula hi 21-17, 16-21, 17-21 in a ngam lo.

Tun hmain Li-i hian Sindhu hi a ngam ngai meuh lo, vawi 12 an inkhelh tawhah ṭum hnih chiah a chak. Mahse, tun ṭumah erawh a tir aṭangin player ṭha zawk a ni a, a vannei tel bawk.

Mipa singles lamah Lakshya Sen pawh a chak lo. India tlangval hian Malaysian player Leong Jun Hao chu 22-20, 17-21, 16-21 in a ngam lo. Hmeichhe doubles player Treesa Jolly leh Gayatri Gopichand te pawh hneh nei loin an match hmasa berah an lo tlawm tawh bawk a ni.