Gasly khan chak a phu - Hamilton

Formula 1 champion lai Lewis Hamilton chuan Pierre Gasly a fak a, inelna an neih hnuhnung ber Italian Grand Prix-a hnehna changtu Alpha Tauri driver hian hnehna chan a phu hlein a hriat thu a sawi chhuak.

Pathianni khan Monza-ah Italian Grand Prix tlan a ni a, team ṭha Mercedes leh Ferrari ten beisei an phak loh karah Gasly a rawn lang chhuak nawlh a, car intlansiakna sang berah hian a vawi khat nan hnehna a chang.

Hamilton chuan, "Pierre hi mi ṭha tak a ni a, car khalh turin theihna a neih san bakah a dawhthei hle bawk. A phu ang taka hnehna a chan avangin ka lawmpui, hun lo kal zel turah pawh hnehna a chan zui zel ka duhsak," a ti.

Season kal laiah F1 intlansiak hi vawi riat an nei tawh. September 13 hian Mugello Circuit tlan kawngah Tus Can Grand Prix an tlan leh ang.