Audi Cup-ah Real Vs Bayern

UEFA Champions League semifinal aṭanga tla pahnih Real Madrid leh Bayern Munich te August thla khian Audi Cup-ah an inkhel dawn.

Audi Cup hi season thar atana inpuahchahna atana hman a ni a, Bayern khelmual Allianz Arena-a neih tur a ni. Kuminah hian Real leh Bayern bakah Inter Milan leh Tottenham Hotpurs te an tel beisei a ni bawk.

Kum 2009 aṭanga khan kum hnih danah Audi Cup hi neih a ni a, ni khatnaah semifinal khelh a ni a, ni hnihnaah final leh third place khelh a ni.

Real Madrid hian sea­son ṭan hmain club ṭha an hmachhawn nual dawn a, Australia tour-ah Roma leh Manchester City an khelpui ang a, July thla tawp khian China-ah Inter Milan leh AC Milan an khelhpui bawk ang.