Zaninah IPL Eliminator round

India Premier League-in tawp lam a hnaih tawh a, zanin dar 8:00 hian eliminator round an khel tawh dawn.

Maharashtra Cricket Association Cricket Stadium, Pune-ah IPL-8 table-a pathumna Royal Challengers Bangalore leh Rajasthan Royals te an inkhel dawn a, a chak zawk zawkin nizan Chennai Super Kings leh Mumbai Indians inkhela chak lo zawk zawk qualifier 2-ah an tum anga, Qualifier-2 a chak in IPL final-ah nizan inkhela chak zawk an tum dawn.

Royal Challengers Bangalore in match 14-a run 481 vawchhuak theitu captain Virat Kohli, IPL8 a six run vawi 34 lai vawchhuaka six run hlapchhuak hnem ber ni mek Chris Gayle leh match khata run vawchhuak hnem ber Mumbai Indians an khelh ṭuma ball 59 a run 133 vawchhuaktu AB de Villiers te an kawl avangin batting lamah chuan an lungphang hran lo ang. Bowling lama che ṭha lo Rajasthan Royals bowler te'n chak an duh chuan an ni ho vawm chhuak tur hian theihtawp an chhuah a ngai ang.

Rajasthan Royals in an match hnuhnung bera century Shane Watson leh match 13 a khelh aṭanga run 498 vawchhuaktu Ajinkya Rahane an kawl ve tho avangin RCB hlau tur an ni lo. Mahse, RCB-in bowling lamah match 11 a wicket 18 latu Mitchell Starc leh match 13 a wicket 19 latu Yuzvendra Chahal an kawl avangin Rajasthan batsman te an fimkhur a ngai khawp ang.