Benfica champion lawmnaah buaina

Pathianni zan khan Benfica-in Vitoria Guimaraes chu goal inpe loa inhnehtawk puiin kum 31 hnua a vawikhat nan a zawnin Primeira Liga title an chawi a, Thawhṭanni zinga Lisbon khawpuia an champion lawmnaah buaina a chhuak.

Inkhelh a nih laiin field chhungah fan ṭhenkhatin halmawi an thehluh avangin minute hnih chhung inkhel chawlh lailawk a lo ni tawh a, a lawmna lamah police inrawlh ngai hial khawpin buaina a chhuak leh ta a ni.

Benfica player te hian Thawhṭanni zingah Lisbon khawpui an fang kual a, Marques de Pombal Square-ah fans sang tel pungkhawmin lo hmuakin champion an lawm. Mahse, champion an lawm lai hian buaina chhuak ṭanin fan ṭhenkhat chuan police lamah lung leh bottle ruak te an vawm a, fan ho hnawh darh nan hian Portuguese police te chuan hmanrua hial an hman a ngaih phah a ni.