Netherlands-in 2019 Euro-pean Games thleng dawn

European Olympic Committee chuan kum 2019 European Games chu Netherlands a neih a nih tur thu an puang.

European Games hi Europe khawmualpui a infiammi hrang hrangte inelna tur a duan a ni a, a vawikhatna chu kumin June hian Baku, Azerbaijan-ah neih a ni ang. European Olympic Committee chuan kum 2012 a 41st General Assembly, Rome-a an neih ṭum khan European Games hi neih turin an lo rel tawh a, kum li dan zela neih tur a ruahman a ni.

Kumina a vawikhat nana an neih tur European Games-ah hian Europe ram hrang hrang 50 aṭangin infiammi 6,000 an kal khawm ang. Kuminah hian Archery, Athletics, Badminton, Basketball, Boxing, Canoeing, Cycling, Diving, Fencing, Football, Gymnastics, Judo, Karate, Sambo, Swimming, Synchronized Swimming, Table Tennis, Taekwondo, Triathlon, Volleyball, Water Polo leh Wrestling hmanga inel tur a ni dawn a ni.

EOC president Pa­trick Hickey chuan, "Ngun taka ngaihtuah a nih hnu leh tehna hrang hranga teh a nih hnuin Netherlands hi 2019 European Games thleng tur a tih an ni ta," tiin a sawi.