2020 Olympic Stadium chung a mawi danglam

Japan sports minister Hakubun Shimomura chuan an ram khawpuiTokyo-in an thlen tur 2020 Olympic Stadium chung chu khawvela stadium dangte ang lo takin a pawng zawng ni loin a uai thla zawnga siam an tum thu a sawi. He thil hi sum leh pai inrenchem vanga tih tum an nih thu a sawi bawk.

Olympic Stadium hi mi 80,000 lenna tur a sak tum a ni a, an ruahman ang chuan 2012 London Olympic stadium aia a let thuma lian zawk tur a duan ni mah se a tak takah erawh chuan a let hnih chauha lian a nih theih a rin thu a sawi bawk. Ṭhutna 35% zet chu a nghet lo a siam tum a ni bawk a, hei hi a chhan chu stadium sak nan hun a duh rei loh zawk nan leh sum sen a tlem deuh theih nana tih a ni.

Japan hian 2019 Rugby World Cup a thlen dawn bawk avangin an sum neih pound tluklehdingawn 1.42 chu an hunpui thlen tur pahnih atan hian daihzai taka hman a ngaih avangin inremchem taka thil an kalpui a ngaih phah a ni. Hnathawhtute hlawh a san chak avangin an beisei aiin Japan hian sum an sen tam angai dawn niin a lang.

Iraqi-British architect Zaha Hadid-a'n a ruahman dan chuan khelmual aṭangin stadium chung khuar rawn uaifual lai hi meter 70 a sang tura ruahman a ni.