India Under 14 team-ah C Lalchungnunga

Asian Football Confede­ration (AFC) Under 14 Foot­ball Festival khel tur India team-ah Mizo naupang C Lalchungnunga, Zotuitlang, Lunglei district chu thlan a ni.

India team hian nimin khan Dushanbe, Tajikistanan an pan a, he hmunah hian AFC U-14 Festival of Football 2015 hi an khel ang. May 27-ah India ram an lo kir leh dawn a, player 18 thlan an ni.

Lalchungnunga hi Coca Cola Cup-a Mizoram team-a mi niin Under 14 khel tura thlan awm chhun a ni a; a team mate thenkhatte chu India camp-ah koh niin age category sang zawkah an la trial chhunzawm dawn a ni.