Real Madrid nge Shakhtar Donetsk?

UEFA Champions League-a champion ngun ber Real Madrid-in zanin dar 11:25 hian NSC Olimpiyskiy, Kiev-ah Shakhtar Donetsk an tlawh dawn. Group B-ah Los Blancos hi team ṭha lawrlak anga ngaih theih ni mah se bul an ṭan fuh loh avangin tla thei dinhmunah an ding.

Zanin dar 1:30 hian Borussia Moncheng-ladbach-in Inter Milan an mikhual dawn a, German club hi group hmahruaitu niin Italian club hi table mawngphahah an awm thung. Team tinin knockout stage luh beiseina an la neih vek avangin inkhel a pawimawh hle.

Spanish club-in Ukraine-a zin tur an tarlan zingah Sergio Ramos a la tel lo a, Rafael Varane leh Nacho te an inkawp a rinawm. Zinedine Zidane-a hote hian kar-tawpah Alaves an hneh lo a, Shakhtar nen erawh Karim Benzema an chhawr theih tawh dawn avangin chak an inbeisei ang.