Juve-in Zaza lei let an duh - Sassuolo

Sassuolo managing director leh chief exe­cutive ni bawk Giovanni Carnevali chuan Serie A champion Juventus-in an striker Simone Zaza chu laklet leh an duh niin a sawi.

Sassuolo hian nikum June khan Juventus aṭangin Zaza hi an lei chhuak a, an inremnaah chuan Juve hian an duh chuan Zaza hi an lei let leh thei dawn a ni.

Carnevali chuan tun season-a goal 10 khungtu Zaza chu Juventus-ah a kir leh maitheih thu sawiin, "Juventus hian Zaza neih let leh hi an duh a, a thlakna tur kan zawng ṭan der tawh a ni," tiin Zaza hi Juventus-ah a kir leh hmel hle.