QPR coach atan Chris Ramsey

Queens Park Rangers chuan Premier League aṭanga tlak puitu Chris Ramsey chu head coach ni turin kum thum atan contract an ziah pui.

Kum 53-a upa Ram­sey hi February thlaa manager Harry Redknapp ban vangin season hma­bak enkawl turin hna pek a ni a, amaherawhchu QPR hi Premier League khel zel turin a chhanhim zo lo.

Club chairman Tony Fernandes chuan, "Chris-a'n hna a chelh khan kan dinhmun kha a ṭha tawh lo hrim hrim. Premier League aṭangin tla mah ila Chris-a hnathawhah board a lawm a, club enkawl zel turin kan ring tawk a ni," tiin a sawi.

Fernandes chuan sawi zelin, "Tun season-a kan lungngaihna hi result ṭha hmangin a rawn hliah khuh theih ngei ka ring. Bul kan ṭan ṭha dawn a, Chris-a hna chelh hi a pawimawh a ni," a ti.

QPR manager Ram­sey chuan, "QPR ka enkawl hun chhung hi rei lo mah se nuam ka ti takzet a, hun kal zel tur atana team thar din hi kan hna tur chu a ni," tiin hma lam hun ṭha zawk a beisei thu a sawi.

QPR director of football Les Ferdinand pawhin pawisa seng ṭheuh a, player thar lak belh aiin naupang chher kawnga hma lak a finthlak thu a lo sawi ve bawk.