Match fixing thubuaiah mi 50 man

Italy police te chuan Thawhlehni khan match fixing thubuai vangin mi 50 an man a, an man zingah hian Italy third division leh fourth division club 30 chuanga director leh player te an tel. An mi man te hi a dik lo zawnga sport kaihhruai tum thubuai siamsak an ni.

Italy Police te chuan mi 70 vel an chhui mek thu sawiin mafia ṭhenkhat match fixing-ah hian an inrawlh ngei nia hriat a ni a, match ṭhenkhat chu tunah hian zirchian mek a ni bawk. Italy-ah hian match fixing a lar hle a, kum 2011 aṭang khan match fixing kaihhnawihah mi 100 chuang lai Italy Police te chuan an lo man tawh a ni.