Villa-in Sinclair an la nghet

Aston Villa-in Man­chester City winger Scott Sinclair chu kum li atan contract an ziah pui a, an man zat hi puanzar a ni lo.

Kum 26-a upa Swan­sea midfielder hlui Sinclair hian January thla khan loan-in Villa hi a zawm a, vawi 11 inlanin goal thum a khung a, FA Cup final a thlen pui bawk.

Sinclair chuan, "Villa tana contract nghet ka nei thei hi ka lawm takzet a ni. Ka contract thar hian game-ah pawh ṭha zawka min khelh tir ngei ka beisei a, Villa-in result ṭha an neih theih nan theihtawp ka chhuah ang," a ti.

Sinclair hian Bristol Rovers-ah bul a ṭan a, kum 2005 khan Chelsea zawm. London club-ah kum nga chhung chamin vawi nga chiah a in lan a, intuai hriam turin club parukah chhuah tir a ni.

Kum 2010 khan £500,000-in Swansea City a zawm a, a chet ṭhat avangin kum 2012 khan pound maktaduai 8-in Manchester City a zawm a, City tan hian vawi thum chiah starting eleven a chang a, 2013 khan loan-in West Brom-ah a khel bawk.