Sheringham leh Stevenage an inbia

West Ham chuan an attacking coach Teddy Sheringham chu League Two club Stevenage nen an inbiak an phalsak. Stevenage hian kum 49-a upa Sheringham hi an manager turin an duh nia sawi a ni.

May 31-a a contract hmang zo tawh tur Stevenage boss Graham Westley chuan promotion play-off-a a team a chakpui zawh loh avangin a hna chelh lai bansan a tum a ni.

Manchester United striker hlui, kum 1999 Champions League final a injury time a Bayern Munich nen an inhnehtawkna goal khungtu Sheringham hian Stevenage manager hna hi a chelh a nih chuan football manager hna a chelh hmasak ber a ni ang.