Quarterfinal-ah Bopanna leh Shapovalov

Indian tennis star Rohan Bopanna leh a ṭanpui Canadian tlangval Denis Shapovalov te chuan Rotterdam Open-ah quarterfinal an in vaw kai, nimin khan an khingpui Australian pair John Peers leh Michael Venus te an hneh.

Indo-Canadian pair hian last 16 inkhel inhnehtawk takah Peers leh Venus te hi 7-6, 6-7, 10-8 in an hneh a, ATP 500 event neih laiah nomawi an beiseina an chhawm nung zel.

Bopanna leh Shapovalov te hian set khatna chu tie break hmanga an lak hnuah tie break hmang vekin set hnihna an hloh, a chak zawk tur tih chianna set hnuhnung berah pawh an inkhel tawk hle - hun pawimawh laiah an tawnhriat neih tam chhawr ṭangkaiin a vannei zawkah an ṭang.

Bopanna te hian an match lehpekah chuan Jean-Julien Rojer leh Horia Tecau te an hmachhawn dawn a, vawiina an tum tur hi seeded palina ni phak an nih avangin an hmabak hi a awlsam dawn lo.